Constitution — Part XXII: Short Title, Commencement, Authoritative Text in Hindi and Repeals
पूर्ण मजकूर Part XXII — 4 अनुच्छेद.
samvidhan.co.in
अनुच्छेद 393 — संक्षिप्त नाव
संक्षिप्त नाव.—या संविधानास ""भारताचे संविधान'' असे म्हणावे.
अनुच्छेद 394 — प्रारंभ
प्रारंभ.—हा अनुच्छेद व अनुच्छेद 5, 6, 7, 8, 9, 60, 324, 366, 367, 379, 380, 388, 391, 392, व 393 तात्काळ अंमलात येतील आणि या संविधानाच्या बाकीच्या तरतुदी, या संविधानात, या संविधानाच्या प्रारंभाचा दिन म्हणून जो निर्देशिलेला आहे, त्या 26 जानेवारी 1950 या दिवशी अंमलात येतील.
अनुच्छेद 394A — हिंदी भाषेतील प्राधिकृत पाठ
हिंदी भाषेतील प्राधिकृत पाठ.—(1) राष्ट्रपती आपल्या प्राधिकारान्वये,— (क) संविधान सभेच्या सदस्यांनी, स्वाक्षरित केलेल्या, केंद्रीय अधिनियमाच्या हिंदी भाषेतील प्राधिकृत पाठामध्ये अंगीकृत केलेली भाषा, शैली व परिभाषा यांच्याशी अनुरूप करण्यासाठी आवश्यक असतील असे फेरबदल केलेला आणि अशा प्रसिद्धीपूर्वी ह्या संविधानामध्ये केलेल्या सर्व सुधारणा त्यामध्ये समाविष्ट केलेला या संविधानाचा हिंदी भाषेतील अनुवाद; आणि (ख) या संविधानाच्या इंग्रजी भाषेमध्ये केलेल्या प्रत्येक सुधारणेचा हिंदी भाषेतील अनुवाद, प्रसिद्ध करण्याची व्यवस्था करील. (2) खंड (1) अन्वये प्रसिद्ध करण्यात आलेल्या या संविधानाच्या आणि त्याच्या प्रत्येक सुधारणेच्या अनुवादास, त्याचा जो मूळ अर्थ असेल त्याप्रमाणे, अन्वयार्थ लावण्यात येईल आणि जर अशा अनुवादाच्या कोणत्याही भागाचा अन्वयार्थ लावण्यामध्ये कोणतीही अडचण उद्भवली तर, राष्ट्रपती, त्यांचे योग्य प्रकारे पुनरीक्षण करण्याची व्यवस्था करील. (3) या अनुच्छेदामध्ये प्रसिद्ध केलेला या संविधानाचा आणि त्याच्या प्रत्येक सुधारणेचा अनुवाद, हा सर्व प्रयोजनांकरता त्याचा हिंदी भाषेतील प्राधिकृत पाठ असल्याचे मानण्यात येईल.]
अनुच्छेद 395 — निरसने
निरसने.—याद्वारे इंडियन इंडिपेंडन्स अॅक्ट, 1947 आणि गव्हर्नमेंट ऑफ इंडिया अॅक्ट, 1935 त्याचबरोबर नंतरच्या अधिनियमात सुधारणा करणाऱ्या किंवा त्यास पूरक असलेल्या सर्व अधिनियमिती याद्वारे निरसित करण्यात येत आहेत, परंतु यात प्रिव्ही कौन्सिल अधिकारिता निरास अधिनियम, 1949 याचा समावेश नाही. 180